ನಿಂಟೆಂಡೋ ಡೈರೆಕ್ಟ್ ಮಾರ್ಚ್ 2025 ಈವೆಂಟ್ನಲ್ಲಿ ಘೋಷಣೆ
ಹೊಸ ಆಟಗಳಿಂದ ವೈಶಿಷ್ಟ್ಯಗಳು
ನಿಂಟೆಂಡೋ ಸ್ವಿಚ್ 2 ಅನ್ನು ಅನಾವರಣಗೊಳಿಸಲು ಒಂದು ವಾರ ಸಮಯ ಇರುವಂತೆಯೇ ಜಪಾನೀಸ್ ವೀಡಿಯೊ ಗೇಮ್ ಕಂಪನಿಯು ಸ್ವಿಚ್ 1 ಮೇಲೆ ಕೇಂದ್ರೀಕರಿಸಿದ ನಿಂಟೆಂಡೋ ಡೈರೆಕ್ಟ್ ಈವೆಂಟ್ ಅನ್ನು ಪ್ರಸಾರ ಮಾಡಿದೆ.
- Modi is confident that he can capture the Delimitation Commission too: Rahul Gandhi
- ಅಳವು ಅರಿಯದ ಭಾಷೆ – ತುಳುನಾಡಿನ ಅತ್ಯಂತ ಹೆಮ್ಮೆಯ ಕೃತಿ
- ಬದುಕುವ ದಾರಿ ಮಾತ್ರ ಶಿಕ್ಷಣವಲ್ಲ, ಮಾನವೀಯತೆಯೇ ನಿಜವಾದ ವಿದ್ಯೆ: ಸಿದ್ದರಾಮಯ್ಯ
- ಮರಾಠಿ ಕಡ್ಡಾಯಗೊಳಿಸಿದ ಮಹಾರಾಷ್ಟ್ರ ಮಾದರಿ ಕರ್ನಾಟಕಕ್ಕೂ ಬರಲಿ: ಟಿ.ಎ. ನಾರಾಯಣಗೌಡ
- ಅಂಬೇಡ್ಕರ್ ಸಂವಿಧಾನ ಸಮಿತಿಯಲ್ಲಿ ಇರದೇ ಇದ್ದರೆ ಸಂವಿಧಾನ ಸರ್ವವ್ಯಾಪಕವಾಗುತ್ತಿರಲಿಲ್ಲ: ಬೊಮ್ಮಾಯಿ
ಪೋಕ್ ಮನ್ ಲೆಜೆಂಡ್ಸ್ Z-A, ಮೆಟ್ರಾಯ್ಡ್ ಪ್ರೈಮ್ 4 ಎಲ್ ಬಿಯಾಂಡ್ ಮತ್ತು ಟೊಮೊಡಾಚಿ ಲೈಫ್ನಂತಹ ಆಟಗಳ ಹೊಸ ದೃಶ್ಯಗಳು ಸೇರಿದ್ದವು. ಕಂಪನಿ ಕೆಲವು ಹೊಸ ವೈಶಿಷ್ಟ್ಯಗಳನ್ನು ಅನಾವರಣಗೊಳಿಸಿದೆ. ಮುಂದಿನ ವಾರದ ಸ್ವಿಚ್ 2 ಡೈರೆಕ್ಟ್ ಈವೆಂಟ್ ಬಗ್ಗೆ ಮಾಹಿತಿಗಳನ್ನು ಹಂಚಿಕೊಂಡಿದೆ.
ರೆಟ್ರೋ ಸ್ಟುಡಿಯೋಸ್ನಿಂದ ಅಭಿವೃದ್ಧಿಪಡಿಸಲಾದ ಮೆಟ್ರಾಯ್ಡ್ ಪ್ರೈಮ್ 4: ಬಿಯಾಂಡ್ ಆಕ್ಷನ್-ಅಡ್ವೆಂಚರ್ ಆಟವಾಗಿದೆ. ಆಟದ ನಾಯಕಿ ಸಾಮಸ್ ಈಗ ಹೊಸ ಸಾಮರ್ಥ್ಯಗಳನ್ನು ಹೊಂದಿದ್ದಾಳೆ. ಇವುಗಳನ್ನು ಬಾಗಿಲು ತೆರೆಯಲು, ಯಂತ್ರಗಳನ್ನು ನಿರ್ವಹಿಸಲು ಮತ್ತು ತನ್ನ ಬೀಮ್ನ ದಿಕ್ಕನ್ನು ಬದಲಾಯಿಸಲು ಸಹ ಬಳಸಬಹುದು. ನಿಂಟೆಂಡೋ 2025ರಲ್ಲಿ ಬಿಡುಗಡೆಯಾಗುವುದಾಗಿ ಭರವಸೆ ನೀಡಿದೆ. ಆದರೆ ಬಿಡುಗಡೆ ದಿನಾಂಕ ಇನ್ನೂ ನಿಗದಿಯಾಗಿಲ್ಲ.
ನಿದಿರೆ ಇಲ್ಲದಂತೆ ಮಾಡಲಿದೆ ಹೊಸ ಆಟ: ದಿ ಸಾಮ್ನಿಯಮ್ ಸರಣಿಯಲ್ಲಿ ಹೊಸ ಪ್ರವೇಶಕನಾದ ನೋ ಸ್ಲೀಪ್ ಫಾರ್ ಕನಮೆ ಡೇಟ್ನಲ್ಲಿ ನಾಯಕ ಐರಿಸ್ಗಾಗಿ ಹುಡುಕಾಟ ನಡೆಸುತ್ತಾನೆ. ಇವಳು ಒಂದು ರಹಸ್ಯಮಯ ಎಸ್ಕೇಪ್ ಗೇಮ್ನಲ್ಲಿ ಸಿಲುಕಿಕೊಂಡಿರುವ ಇಂಟರ್ನೆಟ್ ಐಡಲ್ ಆಗಿದ್ದಾಳೆ. ಈ ಕಸರತ್ತು ಮಿಸ್ಟರಿ ಆಟ ಜುಲೈ 25, 2025 ರಂದು ಬಿಡುಗಡೆಯಾಗಲಿದೆ.
ಲೈವ್ಸ್ಟ್ರೀಮ್ ಸಮಯದಲ್ಲಿ, ನಿಂಟೆಂಡೋ ವಿಮರ್ಶಾತ್ಮಕವಾಗಿ ಪ್ರಶಂಸಿತ ಮಾನ್ಯುಮೆಂಟ್ ವ್ಯಾಲಿ 1 ಮತ್ತು ಮಾನ್ಯುಮೆಂಟ್ ವ್ಯಾಲಿ 2 ಈ ವರ್ಷ ಏಪ್ರಿಲ್ 15 ರಂದು ಬಿಡುಗಡೆ ಆಗಲಿವೆ ಅಲ್ಲದೆ, ಮಾನ್ಯುಮೆಂಟ್ ವ್ಯಾಲಿ 3 ಕೂಡ ಈ ವರ್ಷದ ನಂತರ ಬರಲಿದೆ.
ಕಾರ್ನರ್ ಶಾಪ್ನ ಉತ್ತರಾಧಿಕಾರಿಯಾಗಿ, ನಿಂಟೆಂಡೋ ಜೂನ್ 27 ರಂದು ತಮಾಗೊಚಿ ಪ್ಲಾಝಾವನ್ನು ಪರಿಚಯಿಸಲಾಗುತ್ತಿದೆ. 100ಕ್ಕೂ ಹೆಚ್ಚು ತಮಾಗೊಚಿಗಳೊಂದಿಗೆ ಆಡಲು, ಈ ಆಟ ನೀವು ಮತ್ತು ನಿಮ್ಮ ಸ್ನೇಹಿತರಿಗೆ ವಿವಿಧ ಸ್ಥಳಗಳಲ್ಲಿ ಮಿನಿ ಆಟಗಳ ಮೂಲಕ ವಿಭಿನ್ನ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಅವಕಾಶ ನೀಡಲಿದೆ.
ಕಳೆದ ತಿಂಗಳು ಅನಾವರಣಗೊಂಡಿದ್ದ ಪೋಕ್ ಮನ್ ಲೆಜೆಂಡ್ಸ್ Z-A ಗಾಗಿ ನಿಂಟೆಂಡೋ ಲೈವ್ಸ್ಟ್ರೀಮ್ ಸಮಯದಲ್ಲಿ ಹೊಸ ಟ್ರೈಲರ್ ಬಿಡುಗಡೆ ಮಾಡಿತು. ಆದರೆ ಪೋಕ್ ಮನ್ ಆಟದ ಬಿಡುಗಡೆ ದಿನಾಂಕ ಇನ್ನೂ ನಿಗದಿಯಾಗಿಲ್ಲ. ಬಿಡುಗಡೆಯಾಗಿರುವ ಟ್ರೈಲರ್ ಪ್ರಕಾರ ಹೊಸ ಪೋಕ್ ಮನ್ಗಳು ಮತ್ತು ಕೆಲವು ಆಸಕ್ತಿದಾಯಕ ಆಟದ ಮೋಡ್ಗಳನ್ನು ಹೊಂದಿರಲಿದೆ.
ವರ್ಚುವಲ್ ಗೇಮ್ ಕಾರ್ಡ್ಗಳು ಮತ್ತು ನಿಂಟೆಂಡೋ ಟುಡೇ ಆಪ್: ನಿಂಟೆಂಡೋ ಆಟಗಳನ್ನು ಆಡಲು ಒಂದು ಹೊಸ ವ್ಯವಸ್ಥೆ ಪರಿಚಯಿಸಲಾಗುತ್ತಿದೆ. ವರ್ಚುವಲ್ ಗೇಮ್ ಕಾರ್ಡ್ಗಳು ಎಂದು ಕರೆಯಲ್ಪಡುವ ಈ ವ್ಯವಸ್ಥೆಯು ಆಟಗಳನ್ನು ವರ್ಚುವಲ್ ಆಗಿ ಎಜೆಕ್ಟ್ ಮಾಡಿ ಮತ್ತು ಕನ್ಸೋಲ್ಗಳ ನಡುವೆ ಲೋಡ್ ಮಾಡುವ ಮೂಲಕ ಬದಲಾಯಿಸಲು ಮತ್ತು ಹಂಚಿಕೊಳ್ಳಲು ಅವಕಾಶ ಮಾಡಿಕೊಡಲಿದೆ. ಈ ವೈಶಿಷ್ಟ್ಯ ಮುಂದಿನ ತಿಂಗಳಿಂದ ಪರಿಚಯವಾಗಲಿದೆ.
