ಚಂಪಾರಣ್ಯದ ಸತ್ಯಾಗ್ರಹದಿಂದ ಅಲ್ಲಿನ ರೈತರನ್ನೂ ಒಳಗೊಂಡಂತೆ ಗಾಂಧೀಜಿ ಮತ್ತು ಅವರ ಸಂಗಡಿಗರಿಗೆ ಹೋರಾಟವು ಹಲವು ಮಹತ್ವದ ಅನುಭವಗಳನ್ನು ಮನದಟ್ಟು ಮಾಡಿಕೊಟ್ಟಿತು. ಅವರಲ್ಲಿ ಹೊಸ ಜಾಗೃತಿಯನ್ನು ಮೂಡಿಸಿತು.
- ಕೆಪಿಸಿಸಿ ಅಧ್ಯಕ್ಷ ಬಿ ಕೆ ಹರಿಪ್ರಸಾದ್ ಅವರಿಗೆ ಫೇಕುಗಳ ಕಾಟ!
- ಇತಿಹಾಸದಲ್ಲೇ ದಾಖಲೆ ಬರೆಯುವಂತೆ ಬಸ್‌ ಟಿಕೆಟ್‌ ದರ ಏರಿಕೆ: ಆರ್ ಅಶೋಕ್
- ನವೆಂಬರ್ 07 ರಿಂದ ಎರಡನೇ ಹಂತದ ‘ವಾರ್ಡ್ ಒನ್’ ಅಭಿಯಾನ
- ಆ್ಯಕ್ಸಿಡೆಂಟಲ್ ಸಿಎಂ ಬೊಮ್ಮಾಯಿ ಅವರೇ ಹಾವೇರಿ ಕ್ಷೇತ್ರದ ಬಗ್ಗೆ ಗಮನ ಕೊಡಿ: ಬಿ ಕೆ ಹರಿಪ್ರಸಾದ್
- 40 ದಾಟಿದ ಪುರುಷರ ಮನಸ್ಸನ್ನು ಅರ್ಥಮಾಡಿಕೊಳ್ಳುವುದು ಹೇಗೆ?
ಅವುಗಳಲ್ಲಿ ಈ ಅಂಶಗಳು ಪ್ರಮುಖವಾದವು. ಈ ಕಾರಣದಿಂದಾಗಿ ಗಾಂಧೀಜಿಯವರು ಚಂಪಾರಣ್ಯ ಸತ್ಯಾಗ್ರಹದ ನಂತರ ಅಲ್ಲಿನ ರೈತರಿಗೆ ಮತ್ತು ಸಹಚರರಿಗೆ ಈ ಮಾತುಗಳನ್ನು ಮನದಟ್ಟು ಮಾಡಿಕೊಟ್ಟರು. 1918 ರ ಸಮಯದಲ್ಲಿ ಮಹಾತ್ಮನ ಮನೋಭಾವ ಹೇಗಿತ್ತು ಎಂಬುದಕ್ಕೆ ಇದು ಶ್ರೇಷ್ಠ ಉದಾಹರಣೆಯಾಗಬಲ್ಲದು.
ಒಂದು – ಯಾವುದೇ ವ್ಯಕ್ತಿಯು ನಮ್ಮ ಎದುರಾಳಿಯಲ್ಲ, ಆದರೆ, ಆತನ ಅನ್ಯಾಯದ ನಡುವಳಿಕೆಗಳು ಮಾತ್ರ ನಮ್ಮ ಶತ್ರು;
ಎರಡು – ಹಿಂಸೆಯು ಕೋಪ ಮತ್ತು ದ್ವೇಷಕ್ಕೆ ಕಾರಣವಾಗುತ್ತದೆ. ಆದರೆ, ಕೋಮಲ ವ್ಯಕ್ತಿತ್ವವು ಮನುಷ್ಯನ ದೃಢತೆಗೆ ದಾರಿ ಮಾಡಿಕೊಡುತ್ತದೆ;
ಮೂರು – ಅನ್ಯಾಯದ ಕಾನೂನು ಅಥವಾ ವ್ಯವಸ್ಥೆಗೆ ಸುಸಂಸ್ಕೃತ ಅಸಹಕಾರ ಒಳ್ಳೆಯ ನಡುವಳಿಕೆಯಾಗಬಲ್ಲದು. ದಂಡ ಅಥವಾ ಶಿಕ್ಷೆಗೆ ಸಿದ್ಧರಾಗುವ ಮನಸ್ಸು ಮತ್ತು ಸದಾಚಾರಕ್ಕೆ ಬದ್ಧವಾಗಿರುವುದು ಇವುಗಳು ಯಾವುದೇ ನಿರಂಕುಶ ಶಕ್ತಿಯನ್ನು ನಾಶಮಾಡುವಷ್ಟು ಶಕ್ತಿಯನ್ನು ಸೃಷ್ಟಿಸುತ್ತದೆ.
ನಾಲ್ಕು – ನಿರ್ಭಯತೆ; ಸ್ವಾವಲಂಬನೆ ಮತ್ತು ಶ್ರಮದ ಘನತೆ ಇವುಗಳು ಸ್ವಾತಂತ್ರ‍್ಯದ ಮೂಲತತ್ವಗಳು
ಐದು – ದೈಹಿಕವಾಗಿ ದುರ್ಬಲನಾದ ವ್ಯಕ್ತಿಯೂ ಸಹ ನೈತಿಕ ಬಲವನ್ನು ಚಲಾಯಿಸಬಹುದು ಮತ್ತು ಪ್ರಬಲ ಎದುರಾಳಿಗಳನ್ನು ರಕ್ಷಣೆಯಿಲ್ಲದಂತೆ ಎದುರಿಸಬಹುದು.
ಆರು – ಸ್ವಾತಂತ್ರ‍್ಯವೆಂದರೆ, ಕೇವಲ ರಾಜಕೀಯ ದಬ್ಬಾಳಿಕೆಯಿಂದ ಬಿಡುಗಡೆಯಲ್ಲ, ಹಿಡಿತದಿಂದ ವಿಮೋಚನೆಯಿಂದ ಬಡತನ, ಅನಕ್ಷರತೆ, ಕಳಪೆ ಆರೋಗ್ಯ ಮತ್ತು ನೈರ್ಮಲ್ಯದ ಕೊರತೆ ಇವುಗಳಿಂದಲೂ ಪ್ರತಿಯೊಬ್ಬರೂ ಸ್ವಾತಂತ್ರ್ಯಪಡೆಯಬೇಕಿದೆ. ಅದು ನಿಜವಾದ ಸ್ವರಾಜ್ಯ.
ಏಳು – ಭಾರತದಲ್ಲಿ ತಾಂಡವವಾಡುತ್ತಿರುವ ವರ್ಗ ಮತ್ತು ಜಾತಿ ವ್ಯವಸ್ಥೆಯನ್ನು ಕತ್ತರಿಸುವುದರ ಮೂಲಕ ಜನಸಾಮಾನ್ಯರ ನಡುವೆ ಭ್ರಾತೃತ್ವವನ್ನು ವಿಸ್ತರಿಸುವುದರಿಂದ ಸ್ವಾತಂತ್ರ‍್ಯ ಹೋರಾಟಕ್ಕೆ ಅರ್ಥವನ್ನು ನೀಡುತ್ತದೆ.
– ಜಗದೀಶ್ ಕೊಪ್ಪ, ಹಿರಿಯ ಪತ್ರಕರ್ತರು
