ಎಕ್ಸ್ ಕಾನ್ 2025ರಲ್ಲಿ ‘ಮೇಡ್ ಇನ್ ಭಾರತ್’ ಇಸಿ215 ಬಿಡುಗಡೆ ಮಾಡುವ ಜೊತೆಗೆ ಮೂಲಸೌಕರ್ಯ ಕ್ಷೇತ್ರಕ್ಕೆ ನೆರವಾಗುವ ವಿನೂತನ ಉತ್ಪನ್ನಗಳನ್ನು ಪ್ರದರ್ಶಿಸಿದ ವೋಲ್ವೋ ಸಿಇ ಇಂಡಿಯಾ
ಬೆಂಗಳೂರು: ವೋಲ್ವೋ ಕನ್ಸ್ಟ್ರಕ್ಷನ್ ಈಕ್ವಿಪ್ಮೆಂಟ್ ಇಂಡಿಯಾ (ವೋಲ್ವೋ ಸಿಇ ಇಂಡಿಯಾ) ಸಂಸ್ಥೆಯು ದಕ್ಷಿಣ ಏಷ್ಯಾದ ಅತಿದೊಡ್ಡ ನಿರ್ಮಾಣ ಸಲಕರಣೆಗಳ ಪ್ರದರ್ಶನವಾದ ಎಕ್ಸ್ ಕಾನ್ 2025ರಲ್ಲಿ ಹೊಚ್ಚ ಹೊಸ ‘ಮೇಡ್ ಇನ್ ಭಾರತ್’ ಇಸಿ215 ಎಕ್ಸ್ ಕವೇಟರ್ ಬಿಡುಗಡೆ ಮಾಡಿದೆ ಮತ್ತು ಮೂಲಸೌಕರ್ಯ ಕ್ಷೇತ್ರಕ್ಕೆ ನೆರವಾಗುವ ತನ್ನ ವಿನೂತನ ಉತ್ಪನ್ನ ಶ್ರೇಣಿ ಮತ್ತು ವಿಶಿಷ್ಟ ಸೇವಾ ಸೌಲಭ್ಯಗಳನ್ನು ಪ್ರದರ್ಶಿಸಿದೆ.
- ಮಹಿಳೆಯರಿಗೆ ಶೇ.33ರಷ್ಟು ಮೀಸಲಾತಿ ಮಸೂದೆ ಅಂಗೀಕಾರವಾಗಿದೆ
- ಮಹಿಳಾ ಮೀಸಲಾತಿ ವಿಷಯದಲ್ಲಿ ಮೋದಿ ಸರ್ಕಾರದಿಂದ ಮಹಿಳೆಯರಿಗೆ ದ್ರೋಹ: ಸಿದ್ದರಾಮಯ್ಯ
- ಕಾಂಗ್ರೆಸ್ಗೆ ಮಹಿಳಾ ಮೀಸಲಾತಿ ಬೇಕಿಲ್ಲ ಎಂಬುದು ಸ್ಪಷ್ಟ: ಬಸವರಾಜ ಬೊಮ್ಮಾಯಿ
- ಸಾರ್ವಜನಿಕ ಆರೋಗ್ಯ ವ್ಯವಸ್ಥೆ ಎಷ್ಟು ಹದಗೆಟ್ಟಿದೆ ಎನ್ನುವುದಕ್ಕೆ ಕನ್ನಡಿ: ಆರ್ ಅಶೋಕ್
- ನಮ್ಮ ಪ್ರತಿಭೆಗಳು ದೆಹಲಿಯಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತಿರುವುದು ಸಂತಸದ ವಿಷಯ: ಕೆ.ಸುಧಾಕರ್
“ಭರೋಸಾ ಹರ್ ಮೋಡ್ ಪರ್ – ಪ್ರತೀ ತಿರುವಿನಲ್ಲೂ ನಂಬಿಕೆ” ಎಂಬ ಥೀಮ್ ಆಧಾರವಾಗಿಟ್ಟುಕೊಂಡು ವೋಲ್ವೋ ಸಿಇ ಸಂಸ್ಥೆಯು ಭವಿಷ್ಯಕ್ಕೆ ಸಿದ್ಧವಾದ, ಭಾರತಕ್ಕಾಗಿಯೇ ವಿಶೇಷವಾಗಿ ತಯಾರಿಸಿದ, ಉತ್ಕೃಷ್ಟ ಎಂಜಿನಿಯರಿಂಗ್ ಮತ್ತು ಸುಸ್ಥಿರ ಅಭಿವೃದ್ಧಿಯ ಆಧಾರದ ಮೇಲೆ ನಿರ್ಮಿಸಲಾದ ಉತ್ಪನ್ನಗಳನ್ನು ಪ್ರದರ್ಶಿಸಿತು. ಜೊತೆಗೆ ದೇಶದ ನಿರ್ಮಾಣ, ಗಣಿಗಾರಿಕೆ ಮತ್ತು ವಸ್ತು ಸಾಗಾಣಿಕಾ ಕ್ಷೇತ್ರದ ಬೆಳವಣಿಗೆಗೆ ಶಕ್ತಿ ಒದಗಿಸುವ ಅನೇಕ ಉತ್ಪನ್ನಗಳು ಮತ್ತು ಸೇವೆಗಳನ್ನು ಈ ಸಂದರ್ಭದಲ್ಲಿ ಬಿಡುಗಡೆ ಮಾಡಿದೆ.
ತನ್ನ ಭಾರತಕೇಂದ್ರಿತ ಉತ್ಪನ್ನ ಶ್ರೇಣಿಯನ್ನು ಬಲಪಡಿಸಿಕೊಂಡಿರುವ ವೋಲ್ವೋ ಸಿಇ ಹೊಸ ಎಸ್.ಡಿ.110 ಕಾಂಪ್ಯಾಕ್ಟರ್ ಅನ್ನು ಪರಿಚಯಿಸಿದೆ. ರಸ್ತೆ ನಿರ್ಮಾಣ ಮತ್ತು ಕಾಂಪ್ಯಾಕ್ಷನ್ ಕೆಲಸಗಳಿಗೆ ವಿಶ್ವಾಸಾರ್ಹವಾದ ಮತ್ತು ಹೆಚ್ಚಿನ ಲಾಭವನ್ನು ನೀಡುವ ಯಂತ್ರ ಇದಾಗಿದೆ. ಭಾರತದ ಅತ್ಯಾಧುನಿಕ ಮತ್ತು ಈಗ ವಾಣಿಜ್ಯಿಕವಾಗಿ ಲಭ್ಯವಿರುವ ಎಲ್120 ಎಲೆಕ್ಟ್ರಿಕ್ ವ್ಹೀಲ್ ಲೋಡರ್ ಅನ್ನು ಕೂಡ ಈ ಸಂದರ್ಭದಲ್ಲಿ ಪರಿಚಯಿಸಲಾಗಿದ್ದು, ಇದು ಶೂನ್ಯ ಹೊರಸೂಸುವಿಕೆ ಮತ್ತು ಕಡಿಮೆ ವೆಚ್ಚದ ನಿರ್ಮಾಣ ಉತ್ಪನ್ನಗಳ ಕಡೆಗೆ ಬ್ರಾಂಡ್ನ ಬದ್ಧತೆಯನ್ನು ಸಾರುತ್ತದೆ. ಪ್ರದರ್ಶನದ ಅಂತ್ಯದಲ್ಲಿ ಭಾರತದಲ್ಲಿ ಮೊದಲ ಬಾರಿಗೆ ದೊಡ್ಡ ಗಾತ್ರದ ನಿರ್ಮಾಣ ಮತ್ತು ಗಣಿಗಾರಿಕೆ ಕಾರ್ಯಗಳಿಗೆ ಹೊಸ ಮಾನದಂಡಗಳನ್ನು ಸ್ಥಾಪಿಸಲಿರುವ ಭಾರೀ ಎಕ್ಸ್ ಕವೇಟರ್ ಆಗಿರುವ ಇಸಿ650 ಯಂತ್ರದ ಬಿಡುಗಡೆ ಪೂರ್ವ ಪ್ರದರ್ಶನ ನಡೆಯಿತು.
ಈ ಸಂದರ್ಭದಲ್ಲಿ ವೋಲ್ವೋ ಸಿಇ ಸಂಸ್ಥೆ ವಿಶೇಷವಾಗಿ ಬೆಂಗಳೂರಿನಲ್ಲಿ ತಾನು ಶೀಘ್ರವೇ ತೆರೆಯಲಿರುವ ತನ್ನ ಹೊಸ ಟೆಕ್ನಾಲಜಿ ಸೆಂಟರ್ ನ ಪ್ರಗತಿಯನ್ನು ಘೋಷಿಸಿತು. ಈ ಕೇಂದ್ರ ಸಂಶೋಧನೆ-ಅಭಿವೃದ್ಧಿ (ಆರ್&ಡಿ), ಪ್ರಾದೇಶಿಕ ಮತ್ತು ಭಾರತ ಹಾಗೂ ಜಾಗತಿಕ ಮಾರುಕಟ್ಟೆಗಳಿಗಾಗಿ ಉತ್ಪನ್ನ ಅಭಿವೃದ್ಧಿ ಕಡೆಗೆ ಗಮನ ಹರಿಸಿರುವ ಪ್ರಮುಖ ಕೇಂದ್ರವಾಗಿದೆ. ಈ ಕಾರ್ಯತಂತ್ರದ ಹೂಡಿಕೆಯಿಂದ ಭಾರತ ವೋಲ್ವೋ ಸಿಇಯ ಜಾಗತಿಕ ಜಾಲಕ್ಕೆ ಮುಖ್ಯ ಕೊಡುಗೆದಾರನಾಗಿ ಮೂಡಿಬರಲಿದೆ.
ಈ ಕಾರ್ಯಕ್ರಮದಲ್ಲಿ ಮಾತನಾಡಿದ ವೋಲ್ವೋ ಸಿಇ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ದಿಮಿತ್ರೋವ್ ಕೃಷ್ಣನ್, ಇಸಿ215 ಭಾರತದಾದ್ಯಂತ ಕೆಲಸ ಮಾಡುತ್ತಿರುವ ಗ್ರಾಹಕರಿಂದ ಸಂಗ್ರಹಿಸಿದ ಅನುಭವ-ಒಳನೋಟಗಳ ಆಧಾರದ ಮೇಲೆ ನಿರ್ಮಿತವಾಗಿರುವ ಎಕ್ಸ್ ಕವೇಟರ್ ಆಗಿದ್ದು, ಇದು ಉನ್ನತ ಉತ್ಪಾದಕತೆ ಮತ್ತು ಉತ್ತಮ ಇಂಧನ ದಕ್ಷತೆಯನ್ನು ನೀಡುತ್ತದೆ ಎಂದರು.
ನಮ್ಮ ಕಾಂಪ್ಯಾಕ್ಟರ್ಗಳು ಮತ್ತು ಎಲೆಕ್ಟ್ರಿಕ್ ವ್ಹೀಲ್ ಲೋಡರ್ಗಳನ್ನು ಪ್ರದರ್ಶಿಸುವ ಮೂಲಕ ಗ್ರಾಹಕರು ಶೂನ್ಯ ಇಂಗಾಲ ಹೊರಸೂಸುವಿಕೆ ಮತ್ತು ಕಾರ್ಯಾಚರಣೆ ವೆಚ್ಚವನ್ನು ಕಡಿಮೆ ಮಾಡುವ ತಂತ್ರಜ್ಞಾನಗಳ ಕಡೆಗೆ ಬದಲಾವಣೆ ಹೊಂದಲು ಸಹಾಯ ಮಾಡುತ್ತಿದ್ದೇವೆ. ಭಾರತದ ಮೂಲಸೌಕರ್ಯ ಕ್ಷೇತ್ರಕ್ಕೆ ಅನುಗುಣವಾಗಿ ಅವರಿಗೆ ನೆರವಾಗುವ ವಿಶ್ವಾಸಾರ್ಹವಾದ ಮತ್ತು ಭವಿಷ್ಯ ಸಿದ್ಧವಾದ ತಂತ್ರಜ್ಞಾನ ಒದಗಿಸುವುದು ನಮ್ಮ ಬದ್ಧತೆಯಾಗಿದೆ ಎಂದರು.
ಹೆಚ್ಚಿನ ಮಾಹಿತಿಗಾಗಿ ವೆಬ್ಸೈಟ್ ಗೆ ಭೇಟಿ ನೀಡಬಹುದು: www.volvoce.com
