30 ದೇಶಗಳಿಂದ 300 ಕ್ಕೂ ಹೆಚ್ಚು ಚಲನಚಿತ್ರಗಳು
ಬೆಂಗಳೂರು: ಬೆಂಗಳೂರಿನ ಆರ್ವಿ ವಿಶ್ವವಿದ್ಯಾನಿಲಯವು ತನ್ನ ಟೀನ್ ಇಂಡೀ ಫಿಲ್ಮ್ ಅವಾರ್ಡ್ಸ್ (TIFA) ಮೂರನೇ ಆವೃತ್ತಿಯೊಂದಿಗೆ ಮರಳಿದೆ. ಈ ಸಲದ ಚಿತ್ರೋತ್ಸವ ಹಿಂದೆಂದಿಗಿಂತಲೂ ದೊಡ್ಡದಾಗಿದೆ. “ವಿದ್ಯಾರ್ಥಿಗಳ, ವಿದ್ಯಾರ್ಥಿಗಳಿಂದ ಮತ್ತು ವಿದ್ಯಾರ್ಥಿ ಚಲನಚಿತ್ರ ನಿರ್ಮಾಪಕರಿಗಾಗಿ,” ನಡೆಯುವ ವಿಭಿನ್ನ ಚಿತ್ರೋತ್ಸವ ಜಗತ್ತಿನಾದ್ಯಂತ ಶಾಲೆ ಮತ್ತು ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿಗಳ ಚಲನಚಿತ್ರ ನಿರ್ಮಾಣದಲ್ಲಿನ ಶ್ರೇಷ್ಠತೆ ಮತ್ತು ಸೃಜನಶೀಲತೆಯ ಅಭಿವ್ಯಕ್ತಿ, ಸಂಭ್ರಮದ ವೇದಿಕೆಯಾಗಿದೆ.
ಈ ವರ್ಷದ ನಾಲ್ಕು ದಿನಗಳ ಚಿತ್ರೋತ್ಸವದಲ್ಲಿ ಚಿತ್ರ ಪ್ರದರ್ಶನಗಳು, ಕಾರ್ಯಾಗಾರಗಳು, ಚರ್ಚೆಗಳು ಮತ್ತು ಹೆಚ್ಚಿನವುಗಳಿಂದ ತುಂಬಿದ ನಾಲ್ಕು ದಿನಗಳ ಸಂಭ್ರಮದ ಭರವಸೆಯನ್ನು ನೀಡುತ್ತದೆ. 30 ಪ್ಲಸ್ ದೇಶಗಳಿಂದ 300 ಕ್ಕೂ ಹೆಚ್ಚು ಚಲನಚಿತ್ರ ಸಲ್ಲಿಕೆಯಾಗಿದ್ದು, ಚಲನಚಿತ್ರ ತಯಾರಿಕೆ, ವಿಮರ್ಶೆ ಮತ್ತು ಕ್ಯುರೇಶನ್ ಉದ್ಯಮದ ಎಲ್ಲಾ ವಿಭಾಗಗಳಿಂದ 10 ಗೌರವಾನ್ವಿತ ಸ್ಪೀಕರ್ಗಳು ಮತ್ತು ಸಾವಿರಾರು ಪ್ರೇಕ್ಷಕರ ನಿರೀಕ್ಷೆಯೊಂದಿಗೆ, TIFA 2024 ಯುವ ಚಲನಚಿತ್ರ ನಿರ್ಮಾಪಕರಿಗೆ ಮರೆಯಲಾಗದ ಅನುಭವವಾಗಲಿದೆ.
ಪ್ರಶಸ್ತಿ ವಿಜೇತ ಆಸ್ಟ್ರೇಲಿಯಾದ ಚಲನಚಿತ್ರ ನಿರ್ಮಾಪಕ, ನೈನಾ ಸೇನ್, ದಿ ಸಾಂಗ್ ಕೀಪರ್ಸ್ ಪ್ರದರ್ಶನದೊಂದಿಗೆ ನಾಲ್ಕು ದಿನಗಳ ಉತ್ಸವವು ಪ್ರಾರಂಭವಾಗುತ್ತದೆ. ಟಿಐಎಫ್ಎ 2024 ರಲ್ಲಿ, ಉತ್ಸವದ ಆತಿಥೇಯ ಮತ್ತು ತವರು ದೇಶವಾದ ಭಾರತದ ನಂತರ ಆಸ್ಟ್ರೇಲಿಯಾದ ಹೆಚ್ಚು ಚಿತ್ರಗಳನ್ನು ಹೊಂದಿರಲಿದೆ. ಕಾಲ್ಪನಿಕ, ಅನಿಮೇಷನ್ ಮತ್ತು ಪ್ರಾಯೋಗಿಕ ಸೇರಿದಂತೆ ಅನೇಲ ವಿಭಾಗಗಳೊಂದಿಗೆ ಸುಮಾರು 100+ ವಿದ್ಯಾರ್ಥಿ ಚಲನಚಿತ್ರಗಳು ಪ್ರದರ್ಶನಗೊಳ್ಳಲಿವೆ. ಹಿರಿಯ ಬಾಲಿವುಡ್ ಚಲನಚಿತ್ರ ನಿರ್ಮಾಪಕ ಮತ್ತು ಸ್ಟಾರ್-ಮೇಕರ್ ರಾಹುಲ್ ರಾವೈಲ್, ಲೇಖಕ-ಚಲನಚಿತ್ರ ನಿರ್ಮಾಪಕ ಮತ್ತು ಚಿಲ್ಡ್ರನ್ ಫಿಲ್ಮ್ ಸೊಸೈಟಿ ಆಫ್ ಇಂಡಿಯಾದ ಉಪಾಧ್ಯಕ್ಷ ರಿಂಕಿ ಭಟ್ಟಾಚಾರ್ಯ, ಯಥಾಕಥಾ ಇಂಟರ್ನ್ಯಾಶನಲ್ ಫಿಲ್ಮ್ ಅಂಡ್ ಲಿಟರೇಚರ್ ಫೆಸ್ಟಿವಲ್ ಮುಂಬೈನ ಸಂಸ್ಥಾಪಕ- ನಿರ್ದೇಶಕಿ, ಚಾರು ಶರ್ಮಾ, ವಿಷುಯಲ್ ಡೆವಲಪ್ಮೆಂಟ್ ಆರ್ಟಿಸ್ಟ್ ಮತ್ತು ಪ್ರೊಡಕ್ಷನ್ ಡಿಸೈನರ್, ರೂಪಾಲಿ ಗಟ್ಟಿ, ಜನಪ್ರಿಯ ನಾಗಾಮೀಸ್ ನಿರ್ದೇಶಕ ಮತ್ತು ನಿರ್ಮಾಪಕ, ಟಿಯಾಕುಮ್ಜುಕ್ ಐಯರ್, ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದ 2023 ಸಾಕ್ಷ್ಯಚಿತ್ರ 1947: ಬ್ರೆಕ್ಸಿಟ್ ಇಂಡಿಯಾದ ನಿರ್ದೇಶಕ ಸಂಜೀವನ್ ಲಾಲ್, ಮತ್ತು ನಿರ್ಮಾಪಕ-ನಿರ್ದೇಶಕಿ, ಐಶ್ವರ್ಯಾ ಯಾದವ್, ಇತರರು ಈ ಚಿತ್ರೋತ್ಸವದಲ್ಲಿ ಭಾಗಿಯಾಗಲಿದ್ದಾರೆ.
ಭಾರತೀಯ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ವಿಜೇತ ವಿಮರ್ಶಕ, ಅಂತರರಾಷ್ಟ್ರೀಯ ಲೇಖಕ-ಕ್ಯುರೇಟರ್ ಮತ್ತು ಆರ್ವಿ ವಿಶ್ವವಿದ್ಯಾಲಯದ ಸ್ಕೂಲ್ ಆಫ್ ಫಿಲ್ಮ್, ಮೀಡಿಯಾ ಮತ್ತು ಕ್ರಿಯೇಟಿವ್ ಆರ್ಟ್ಸ್ನ ಸ್ಥಾಪಕ ಡೀನ್, ಪ್ರೊ. ಪಿಯೂಷ್ ರಾಯ್ 2022ರಲ್ಲಿ ಟಿಐಎಫ್ಯನ್ನು ಪ್ರಾರಂಭಿಸಿದರು. ಈಗ 6 ಖಂಡಗಳ 30ಕ್ಕೂ ಅಧಿಕ ದೇಶಗಳು ಭಾಗವಹಿಸುವ ಚಿತ್ರೋತ್ಸವವಾಗಿ ಪ್ರಗತಿ ಕಂಡಿದೆ.
ಆಸ್ಟ್ರೇಲಿಯಾದ ರಾಯಭಾರ ಕಚೇರಿಯೊಂದಿಗೆ ಇತ್ತೀಚೆಗೆ ಸಹಯೋಗ ಮಾಡಿಕೊಂಡಿದೆ ಮತ್ತು ಟೀಸೈಡ್ ವಿಶ್ವವಿದ್ಯಾಲಯ, ಯುಕೆಯ ಸ್ಕೂಲ್ ಆಫ್ ಆರ್ಟ್ಸ್ ಮತ್ತು ಕ್ರಿಯೇಟಿವ್ ಇಂಡಸ್ಟ್ರೀಸ್ನ ಇಯಾನ್ ಫೆಂಟನ್ ಅವರಂತಹ ಜಾಗತಿಕ ತೀರ್ಪುಗಾರರ ಸಮಿತಿಯನ್ನು ಹೊಂದಿದೆ. ಫಿಲ್ಮ್ ಕಂಪ್ಯಾನಿಯನ್ ವಿಮರ್ಶಕ ರಾಹುಲ್ ದೇಸಾಯಿ, ಅಂತರಾಷ್ಟ್ರೀಯ ಖ್ಯಾತಿಯ ಚಲನಚಿತ್ರ ನಿರ್ಮಾಪಕ ಟಿಯಾಕುಮ್ಜುಕ್ ಐಯರ್, ಸ್ಟಾರ್ ರೈಟರ್ಸ್ ಕಾರ್ಯಕ್ರಮದಲ್ಲಿ ಕಂಟೆಂಟ್ ಕ್ರಿಯೇಟರ್ ಮತ್ತು ಕೋಚ್, ರಶ್ಮಿ ನಂಬಿಯಾರ್, ಬಾಹುಬಲಿ ಚಲನಚಿತ್ರ ಸರಣಿಯ ವಸ್ತ್ರ ವಿನ್ಯಾಸಕಿ, ರೂಪಾಲಿ ಗಟ್ಟಿ ಮತ್ತು ಚಾರು ಶರ್ಮಾ ಅವರು ತೀರ್ಪುಗಾರರ ಮಂಡಳಿಯಲ್ಲಿದ್ದಾರೆ.
ದಿ ಇಂಟರ್ನ್ಯಾಶನಲ್ ಫೆಡರೇಶನ್ ಆಫ್ ಫಿಲ್ಮ್ ಕ್ರಿಟಿಕ್ಸ್ನ ಪ್ರಧಾನ ಕಾರ್ಯದರ್ಶಿ ಪ್ರೇಮೇಂದ್ರ ಮಜುಂದಾರ್ ಈ ಚಿತ್ರೋತ್ಸವದ ಕುರಿತು ಪ್ರತಿಕ್ರಿಯಿಸಿ, “ನಾನು ಅನೇಕ ವಿದ್ಯಾರ್ಥಿ ಚಲನಚಿತ್ರೋತ್ಸವಗಳಲ್ಲಿ ಭಾಗವಹಿಸಿದ್ದರೂ, ಹದಿಹರೆಯದ ಚಲನಚಿತ್ರ ನಿರ್ಮಾಪಕರಿಗೆ ಆದ್ಯತೆ ನೀಡುವ ಉತ್ಸವದ ಈ ವಿಶಿಷ್ಟ ಕಲ್ಪನೆ ಮತ್ತು ಅದು 30 ರಿಂದ 300 ಕ್ಕೂ ಹೆಚ್ಚು ಚಿತ್ರಗಳಿಗೆ ಬೆಳೆಯುತ್ತಿರುವ ರೀತಿಯಿಂದ ನಾನು ತುಂಬಾ ಪ್ರಭಾವಿತನಾಗಿದ್ದೇನೆ. ಈ ಉತ್ಸವದಲ್ಲಿ ಭಾಗವಹಿಸುವ ವಿದ್ಯಾರ್ಥಿಗಳು ಭವಿಷ್ಯದಲ್ಲಿ ಉತ್ತಮ ಚಿತ್ರ ನಿರ್ಮಾಣಕಾರರಾಗಿ ಹೊರಹೊಮ್ಮುತ್ತಾರೆ ಎಂಬ ಭರವಸೆ ನನಗಿದೆ” ಎಂದರು.
ವೇಳಾಪಟ್ಟಿಗಳು ಮತ್ತು ಟಿಕೆಟ್ ಖರೀದಿ ಸೇರಿದಂತೆ ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ: https://bit.ly/49qAmfu
