ಪಾತಾಳಕ್ಕೆ ಕುಸಿದ ಕಚ್ಚಾ ತೈಲ ಬೆಲೆ: ಜನಸಾಮಾನ್ಯಾರಿಗೆ ಸಿಗುವುದೇ ಲಾಭ?

ದೆಹಲಿ:  ಆರ್ಥಿಕ ಹಿಂಜರಿತ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಬೇಡಿಕೆಯ ಕೊರತೆಯಿಂದಾಗಿ ಜಾಗತಿಕ ಕಚ್ಚಾ ತೈಲ ಬೆಲೆಗಳು ಮೂರು ತಿಂಗಳ ಕನಿಷ್ಠ ಮಟ್ಟವನ್ನು ತಲುಪಿದ್ದು ಇಂದ ಇನ್ನಷ್ಟು ಇಳಿಕೆ ಕಂಡಿದೆ.

ಮೂರು ತಿಂಗಳಲ್ಲಿ ಕಚ್ಚಾ ತೈಲ ಬೆಲೆ ಈ ಮಟ್ಟಕ್ಕೆ ಕುಸಿದಿರುವುದು ಇದೇ ಮೊದಲು. ಕಚ್ಚಾ ತೈಲಬೆಲೆ 96.09 ಡಾಲರ್ ಗೆ ಇಳಿಕೆಯಾಗಿದ್ದು, ಇಂದು ವೆಸ್ಟ್ ಟೆಕ್ಸಾಸ್ ಇಂಟರ್ಮೀಡಿಯೇಟ್ ಕಚ್ಚಾ ತೈಲದ ಭವಿಷ್ಯದ ಒಪ್ಪಂದಗಳು ಪ್ರತಿ ಬ್ಯಾರೆಲ್‌ಗೆ 96.09 ಡಾಲರ್ ಗೆ ಮಾರಾಟವಾಗಿವೆ.

ಉಕ್ರೇನ್‌ನಲ್ಲಿ ಸಂಘರ್ಷ ಪ್ರಾರಂಭವಾದ ನಂತರ ತೈಲ ಪೂರೈಕೆ ಸರಪಳಿ ಅಡೆತಡೆ ಮುಂದುವರಿದಿದ್ದು, ಕಚ್ಚಾ ತೈಲ ಮತ್ತು ಇತರ ಅಗತ್ಯ ವಸ್ತುಗಳ ಬೆಲೆಗಳಲ್ಲಿ ತ್ವರಿತ ಏರಿಕೆಗೆ ಕಾರಣವಾಗುತ್ತದೆ. ಸಂಘರ್ಷದ ಮೊದಲು, ಕಚ್ಚಾ ತೈಲವು ಪ್ರತಿ ಬ್ಯಾರೆಲ್‌ಗೆ  90 ಡಾಲರ್ ನಷ್ಟಿತ್ತು ಮತ್ತು ಫೆಬ್ರವರಿ ಅಂತ್ಯದಲ್ಲಿ ಒಂದು ವಾರಕ್ಕಿಂತ ಕಡಿಮೆ ಅವಧಿಯಲ್ಲಿ 115 ಡಾಲರ್ ಗೆ ಏರಿತು. ಮಾರ್ಚ್ ಅಂತ್ಯದಲ್ಲಿ ಬೆಲೆಗಳಲ್ಲಿ ಸಂಕ್ಷಿಪ್ತ ಕುಸಿತವಾಗಿ  ಏಪ್ರಿಲ್ ಆರಂಭದಲ್ಲಿ 100 ಡಾಲರ್ ಗಿಂತ ಕಡಿಮೆಯಾಗಿದೆ.

ಆದರೆ, ಭಾರತದಲ್ಲಿ ತೈಲ ದರಗಳು ಗಗನಕ್ಕೇರಿದ್ದು  ಜನಸಾಮಾನ್ಯರು ಬವಣೆ ಅನುಭವಿಸುತ್ತಿದ್ದಾರೆ.  ಕಚ್ಚಾ ತೈಲ ಬೆಲೆಗಳು ಕಡಿಮೆಯಾದರೂ ಇದರ ಲಾಭ ಜನಸಾಮಾನ್ಯರಿಗೆ ತಲುಪಿಲ್ಲ.